Эсселек китә: Татарстанда һава торышы сизелерлек үзгәрәчәк
Татарстанда якын көннәрдә эссе һәм коры һава торышы яңгырлы һәм салкынча һава торышына алмашынуы көтелә. Бу хакта Татарстан Республикасы Гидрометеорология үзәге хәбәр итә.
Чәршәмбе көнне, 29 июльдә, төнлә явым-төшем көтелми, әмма көндез атмосфера фронты якынлашу белән көньяк-көнбатыш районнарда янә яшенле яңгырлар явуы ихтимал. Яшенле яңгыр вакытында җил урыны белән секундына 15-20 метрга кадәр көчәячәк, боз явуы да ихтимал. Төнлә – 14-19 градус, көндез – 25-30 градус.
Пәнҗешәмбе, 30 июльдә, Татарстан циклон йогынтысына дучар булачак. Республикада уртача һәм көчле яңгырлар, урыны белән яшенле яңгырлар көтелә. Төнлә – 14-19, көндез – 19-24 градус.
Якынча фаразлар буенча, 31 июльдә һәм 1 августта һава торышы тотрыксыз булачак, вакыт-вакыт яңгырлар көтелә. 31 июльдә көндез температура 19-24 градус, 1 августта 22-27 градус булачак.
Тулырак: https://tatar-inform.tatar/news/tatarstanda-beraz-salkynaita-ham-yangyrlar-yavacak-5926937
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев