Оет авылында яшәүчеләр ачык һавада Корбан ашы уздырдылар

  Корбан чалу ул -Аллаһы Раббыбыз биргән хисапсыз нигъмәтләр өчен рәхмәтебезне белдереп, буйсынуыбызны күрсәтү. 14 июнь көнне Оет авыл мәчетендә дә  изге чара – Корбан ашы мәҗлесе үткәрелде. Мәҗлескә авыл халкы, кайткан кунаклар, балалар җыйналды. Бәйрәмдә катнашучылар үзләре үк иганәчеләр дә булдылар. Мәҗлес барышында имам-хатиблар вәгазь сөйләде, догалар һәм аятьләр укылды,  җәмәгать белән  намаз укылды. Авыл имамы Корбан ашына килгән шәхесләргә һәм авылдашларына, аны үткәрүдә өлеше тигән һәркемгә олы рәхмәтен җиткерде. Кабул ашлар булсын!