Уяу булыгыз, мошенниклар тозагына эләкмәгез!
Казанда мәктәп укучысы онлайн-уенда бонуслар өчен мошенникларга 80 мең сумнан артык акча күчергән. 43 яшьлек җирле кеше полициягә банк счетыннан акча югалу турында гариза белән мөрәҗәгать иткән. Аның кызы әтисенең телефоныннан онлайн-уен уйнаганлыгы ачыкланган. Мессенджерда аның белән билгесез кешеләр элемтәгә керә һәм берничә биремне үтәргә сорап уен бүләкләре вәгъдә итә. Мошенникларның инструкцияләрен үтәп, кыз банк кушымтасына кергән һәм барлык акчаларын билгесез счетларга күчергән. Зыян күләме 80 мең сумнан артып киткән. «Мошенниклык»маддәсе буенча җинаять эше кузгатылган.
Чыганак: социаль челтәр
Нет комментариев