“Гасырлар кайтавазында Шыңар ягы”

  Туган ягы тарихын өйрәнүче Айдар Гариповның “Гасырлар кайтавазында Шыңар ягы” дигән яңа китабы басылып чыкты. Анда Саба районының Олы Шыңар,  Кече  Шыңар, Оет, Чулпыч, Сабай  һәм  Түлешкә  авылларының тарихы  яктыртылган. Китапта  меңнән  артык фото  урын  алган.

   2026 ел Татарстан Республикасы Рәисе тарафыннан “Хәрби  батырлык  Һәм  фидакарьлек елы” дип игълан  ителде. Автор  да  шушы юнәлешне  тотып эш  итә. Сугыш  һәм  тыл , Әфган  һәм Чечен  сугышы  ветераннары, СВО да катнашучы авылдашларыбыз турындагы  язмалар  төп  урынны алып  тора. Шулай  ук  күренекле  якташларыбызга багышланган  материаллар да зур кызыксыну уята.