Хәвеф-хәтәр
Лениногорскида мәчет янында «Инфинити» тәгәрмәчендә кул гранатасы таптылар
Хәзерге вакытта табылдыкны Казанга алып киләләр, анда экспертлар гранатаның сугышчан булу-булмавын билгелиләр.
Лениногорскида мәчет янында машина тәгәрмәчендә кул гранатасы табылган. Бу хакта «Татар-информ»га шаһитлар хәбәр итте.
«Ихлас» мәчете янында тукталган «Инфинити»ның арткы тәгәрмәчендә шаһитлар «лимонка»га охшаш әйберне күреп алган. Урынга ашыгыч хезмәтләр чакыртылган, алар парковка урынын чолгап алган. Саперлар автомобильдән коралны алдылар», - дип сөйләде агентлык чыганагы.
Чыганак мәгълүматлары буенча, гранатаны хәзер, сугышчан булу-булмавын билгеләү өчен, Казанга экспертизага алып баралар.
Фото: gunmodel.ru
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев