Яңа Зеландиядә мәчетләрдә атышта кырык кеше һәлак булган
Крайстчерч шәһәрендә, аның янындагы Линвуд шәһәрендә ике мәчеткә һөҗүм вакытында тагын егермеләп кеше яраланган.
Яңа Зеландиянең Премьер-министры бүген мәчетләргә һөҗүм вакытында кырык кеше үлүен раслады. Бу турыда "Интерфакс" агентлыгы хәбәр итте.
Крайстчерч шәһәрендәге Дин-авеню мәчетендә 30 кеше, Линвуд мәчетендә 10 кеше һәлак булды, дип сөйләгән Премьер-министр.
Тагын егермеләп кеше яраланган. Алар хастаханәдә дәвалана.
"Дүрт кеше тоткарланды. Өч ир-ат һәм бер хатын-кыз", - дип сөйләгән Яңа Зеландия полициясе комиссары Майк Буш.
Шартлый торган берничә җайланманы зарарсызландырганнар.
Брентон Таррант исемле 28 яшьлек ир-ат тоткарланган. Ул 17 минут дәвамында мәчеттәге кешеләргә атканын видеога төшереп торган, диелгән әлеге хәбәрдә.
Следите за самым важным и интересным в Telegram-каналеТатмедиа
Нет комментариев