Җаваплылыгы чикләнгән “Яшен”, “Рамазан” һәм “Таш” җәмгыятьләре директоры - Рамазан Зариповның хезмәттәшләренә бәйрәм котлавы

Сез үз хезмәтегезнең тормыш-көнкүрештәге ролен яхшы аңлап, халык хуҗалыгы йөкләрен, балаларны йөртүдә, пассажирлар ташуда зур тырышлык куеп эшлисез. Һөнәрегезгә чиксез бирелгәнлек, ышанып тапшырылган эш өчен югары җаваплылык хисләре һәм оешканлык үрнәге күрсәтәсез. Районыбыз икътисадының үсешенә, халкының тормышы-көнкүреше яхшыруга зур өлеш кертәсез. Безнең оешма халык хуҗалыгында үз урынын тапты һәм үсеш юлында. Хөрмәтле хезмәттәшләр һәм ветераннар! Районыбыз үсешенә лаеклы өлеш кертүегез өчен сезгә ихластан рәхмәтемне җиткерәм. Бәйрәм көнендә барыгызга да мөһим һәм социаль әһәмияткә ия булган хезмәттә уңышлар, һәлакәтсез, туры, киң һәм тигез юллар, аларда бер-береңне аңлау һәм хөрмәт итү атмосферасы телим.