Районара салым инспекциясе җитәкчесе Газинур Әбсәләмовның хезмәттәшләренә һөнәри бәйрәм котлавы

Хөрмәтле салым инспекциясе хезмәткәрләре! Сезне чын күңелдән 21 ноябрьдә билгеләнеп үтеләчәк һөнәри бәйрәмегез - Россия Федерациясенең салым органнары хезмәткәрләре көне белән котлыйм! Бу идарә тармагын булдыруның беренче көненнән аның эшчәнлеге дәүләт мәнфәгатьләрен яклауга, салымнар җыйнау өлкәсендә тотрык­лылыкны ныгытуга юнәлтелгән иде. Безнең инспекциядә үз эшләренә җаваплы караучы белгечләр хезмәт итә. Сезнең принципиаль булуыгыз, кирәк чакта дөрес карар кабул итә белүегез киләчәктә хезмәт күрсәткән районнарның социаль-икътисадый үсешенә кагылган мәсьәләләрне уңай чишәргә ярдәм итәр дип ышанам. Коллективны 2017 елда да зур эшләр көтә. Салым хезмәткәрләрен, ветераннарыбызны һөнәри бәйрәмебез белән ихлас котлап, барысына да эшләрендә һәм тормышта яңадан-яңа уңышлар, нык сәламәтлек, бәхет телим.