“СВЕТОФОР” көне дә бар

Халыкара дәрәҗәдәге бу көн 5 августта бил­ге­ләп үтелә һәм барыннан да элек ЮХИДИ, мә­га­риф учреждениеләре, җәмәгать оешмалары ак­тивистларының игътибар үзәгендә була. Ягъни ба­лаларга, транспорт хәрәкәтендә катнашучыларга юлда йөрү кагыйдәләрен үтәү зарурлыгын җиткерүгә тагын бер сәбәп дигән сүз. Ә районыбыз юлларында агымдагы елның 6 аенда чатларны узганда юл хәрәкәте иминлеге кагыйдәләрен үтәмәгәне өчен 29 йөртүченең административ җа­ваплылыкка тартылуы, урам аша тиешсез урыннан яисә светофор сигналына карамыйча чыккан 63 җәяүлегә беркетмә төзелүе бу проблемага игътибарны арттыру кирәклеге турында сөйли.

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен