38 яшьлек ир-атның башын чүкеч белән ярганнар

12 апрельдә сәгать 2.00 тирәсендә ике билгесез зат 38 яшьлек ир-атка һөҗүм итә. Баш мие зарарланган ирне хастаханәгә озаталар.

Хәл Казанда була. Полиция хезмәткәрләре кайнар эздән беркайда да эшләмәүче, алдан хөкемгә тартылган ике ирне тоткарлый. Әлеге хәл бергәләп исерткеч эчемлекләр кулланганнан соң килеп чыккан низаг барышында була.

Шуңа охшаш хәл Яшел Үзән районында да була. Васильевка бистәсендә яшәүче 26 яшьлек хатын үзендә яшәүче ир белән кәеф-сафа корып утырган вакытта башта талашып, аннары сугышып китә. Исерек хатын озак уйламый, кулына пычак ала... Нәтиҗәдә 35 яшьлек ир яралар белән хастаханәгә эләгә. Хәзерге вакытта җинаять эше кузгату буенча эш бара.

Әлмәт таңнары