80 яшьтән өлкән пенсионерлар 1 июньнән пенсиягә өстәмә түләү ала башлый

Депутат сүзләренчә, айлык өстәмә түләү 8 907 сум 70 тиен булачак. Әгәр гаиләдә пенсионерны тәрбияләү теркәлгән икән, бу суммага тагын 1 314 сум өстәлә һәм болар пенсияне аена 10 221,7 сумга арттыра.

Исәп-хисап автомат рәвештә башкарыла, пенсионерларга бу социаль түләүләрне алу өчен Россия Социаль фондына мөрәҗәгать итәргә кирәкми, дигән Говырин. Моннан тыш, май аенда инвалидлык бирелгән беренче төркем инвалидларга да шундый ук өстәмә түләү каралган. Бу кагыйдә, инвалидлык төркеме бирү турында актуаль белешмә булган очракта, пенсия алучының яшенә бәйле түгел.

Парламентарий сүзләренчә, әгәр пенсионер гаиләдәге эшкә яраксыз әгъзаларны тәэмин итә икән, өстәмә түләү суммасы тагын да югарырак булырга мөмкин. Мәсәлән, пенсионер балигъ булмаган оныкларын яки инвалид бала тәрбияли икән, пенсиянең теркәлгән өлешенә тәрбиядәге һәр кеше өчен (тик өч кешедән дә күп түгел) тагын 2 969 сум 23 тиен өстәлә. Шулай итеп, пенсионер опекун ролен башкарса, гомуми өстәмә түләү сизелерлек булырга мөмкин.

Бу түләүләр даими була һәм ай саен түләнә. Киредән исәпләү өчен барлык мәгълүматлар системага ЗАГС һәм МСЭ кебек дәүләт реестрларыннан турыдан-туры килә, бу пенсионерларның әлеге процесска катнашуын киметә.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/80-yastan-olkan-pensionerlar-1-iyunnan-pensiyaga-ostama-tula-ala-baslyi-5905142

фото https://www.freepik.com/