Гадәттән тыш хәл ГЭС бистәсендә килеп чыккан.
Чаллыда биш катлы йорт подъездында ир-атны ут төртеп яндырганнар, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.
ГЭС бистәсендә урнашкан 3/22нче биш катлы йортның бишенче подъездында көек исе турындагы хәбәр үзәк янгын элемтәсе пунктына 2 декабрь кичендә килә.
Урынга 72нче янгын-коткару часте янгын сүндерүчеләре, газ һәм электр челтәрләре хезмәте, полицейскийлар һәм ашыгыч ярдәм хезмәткәрләре юл тота.
Урынга килгән ут белән көрәшүчеләр баскыч мәйданчыгында ир-атның янган гәүдәсенә тап була.
Янгынның башлангыч сәбәбе – ут төртү.
Нет комментариев