Җырчы, композитор, продюсер, шоумен Dj Радик та күзле башлы булды. Мәскәүдә яшәп иҗат итүче Радик Яруллин (чын исеме шундый) башкала рестораннарының берсендә никах укытты.

Мәҗлескә күп кенә туганнар, дуслар җыелган. Бәйрәмне үзен "супертамада" дип йөртүче Гамил Нур алып барган. Никах турындагы яңалыкны да ул хәбәр итте. Фотолары да аныкы.

Никах мәҗлесе Мәскәүнең "Мираж" ресторанында узган. Кәләш чибәр күренә. Исеме дә матур - Сылу.

Радик һәм Сылуга бер-берсен хөрмәт итеп, мәхәббәттә яшәүләрен телибез. Бәхетле булыгыз!

Матбугат.ру