Халык ит, сыр һәм казылыкны кимрәк ала башлаган

Русиялеләр соңгы алты айда итне - 24 процентка, сыр һәм казылыкны - 20 процентка азрак куллана башлаган. Бу хакта «Иҗтимагый фикер» фонды тарафыннан үткәрелгән сораштыру сөйли, дип яза «Татар-информ». Шулай ук балык һәм диңгез продуктларын алучылар да кимегән. Сораштырылучыларның 16 проценты - җиләк-җимешне, 13 проценты - кондитер эшләнмәләрен, 9 проценты сок, су, газлы эчемлекләрне кимрәк сатып алабыз, дигән. Ә 3 процент кеше, барлык продуктларда да экономияли башладык, дип белдергән.