Казан үзәгендә юл-транспорт һәлакәтендә машина әйләнгән

(Казан, 6 ноябрь, "Татар-информ"). Казан үзәгендә ике машина бәрелешеп, берсе әйләнгән, дип хәбәр итә социаль челтәрләрдән файдаланучылар.

Юл-транспорт һәлакәте “Кольцо” сәүдә үзәге янында бүген көндез булган. Ике автомобиль дә җитди зыян алган. Өстәмә мәгълүматлар ачыклана.

Россия Гадәттән тыш хәлләр министрлыгының Татарстан буенча Баш идарәсе мәгълүматлары буенча, “Опель Астра” һәм “Джип” бәрелешкән, машина йөртүчеләрнең берсе зыян күргән.
 

http://tatar-inform.tatar