Миңнеханов Ясалма фәһемне булдыру, үстерү һәм кертү буенча ведомствоара комиссия төзеде
Татарстанда Ясалма фәһем технологияләрен булдыру, үстерү һәм кертү мәсьәләләре буенча ведомствоара комиссия төзелде. Тиешле указга ТР Рәисе Рөстәм Миңнеханов кул куйды.
Фото: ТР Рәисе матбугат хезмәте
Комиссия РФ Президенты Владимир Путинның ясалма фәһем технологияләрен үстерү мәсьәләләре буенча комиссия турындагы быелның 26 февралендә имзалаган указын үтәү өчен оештырылган.
Яңа коллегиаль орган ясалма фәһем технологияләрен булдыру, үстерү һәм кертү өлкәсендә дәүләт сәясәтен формалаштыруга һәм гамәлгә ашыруга килешенгән алымнар эшләүне координацияләү белән шөгыльләнәчәк.
Комиссия рәисе итеп Рөстәм Миңнеханов үзе билгеләнде. Аның урынбасарлары итеп Татарстан Республикасы вице-премьеры – Татарстан Республикасы Министрлар Кабинеты Аппараты җитәкчесе Шамил Гафаров һәм Татарстан Республикасы Фәннәр академиясе президенты Рифкать Миңнеханов билгеләнде. Җаваплы секретарь – ТР Рәисе ярдәмчесе Альберт Нәфыйгин.
Ясалма фәһем технологияләрен кертү «Мәгълүматлар икътисады һәм дәүләтнең цифрлы трансформациясе» илкүләм проекты максатларына туры килә.
Тулырак: https://tatar-inform.tatar/news/minnexanov-yasalma-fahemne-buldyru-usteru-ham-kertu-buenca-vedomstvoara-komissiya-tozede-5920429
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев