Мисырда инсульттан соң комага киткән хатын-кыз Республика клиник хастаханәсенә кайтарылды
Мисырда комага төшкән Татарстанның атказанган укытучысы Ольга Гардиханова бүген Республика клиник хастаханәсенә кайтардылар. Бу хакта «Татар-информ» агентлыгына Татарстан Сәламәтлек саклау министрлыгында хәбәр иттеләр.
Хатын-кыз реанимация бүлегендә ята. Аның хәле бик авыр һәм тотрыклы дип бәяләнә.
Аны дәвалауга республиканың әйдәп баручы белгечләре җәлеп ителде, барлык кирәкле медицина ярдәме күрсәтелә.
Элегрәк «Татар-информ» агентлыгы хәбәр иткәнчә, 4 гыйнварда Ольга Гардиханова гаиләсе белән Мисырга килгән. Аэропортта кинәт хәле начарайган һәм аңын югалткан. Хатын-кызны ашыгыч рәвештә хастаханәгә алып киткәннәр, аңа геморрагик инсульт диагнозы куелган. Шул вакыттан бирле ул комада ята һәм бүгенге көнгә кадәр аңына килмәгән.
Ольга Гардиханова - Татарстан Республикасының атказанган укытучысы, 30 еллык стажы булган педагог. Ул Алексеевск урта мәктәбендә укыта.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/vpavsuyu-v-komu-posle-insulta-v-egipte-zitelnicu-tatarstana-dostavili-v-rkb-5918246
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев