Пүкәлдә авыл көне узды

 Пүкәл авылы халкы һәм кунаклары елның иң көтеп алынган бәйрәмен - Авыл көнен билгеләп үтте.

Авыл көне-ул һәрвакыт игелекле һәм шатлыклы тантана. Бүген дә күңелле музыка астында халык бәйрәм очрашуына ашыкты, ачык һавада импровизацияләнгән тамаша залына ашкынды.

Сәхнә иртәдән үк бизәлгән, кабартылган батутлар һәм балалар өчен күңелле аттракционнар, сату нокталары урнаштырылган иде.

Бер көнгә тормыш мәшәкатьләреннән читкә куеп, якты кояш нурлары һәм ачык елмаюлар белән авыл халкы һәм кунаклары рәхәтләнеп ял итте.

Чараны авыл хәзрәте ачып җибәрде, балалар үз чиратларында Коръән сүрәләре укып дәвам иттеләр. Пүкәл авыл мәдәният йорты һәм китапханә, Олыяз мәдәният йорты һәм китапханә мөдирләре белән берлектә көндез балалар өчен регламент нигезендә 2 сәгать буе балалар һәм яшүсмерләр төрле уеннар үткәрделәр.

Бәйрәмнең тантаналы өлешен Эзмә авыл җирлеге башлыгы Райнур  Әхмәтов ачып җибәрде, ул авыл халкын һәм кунакларны бәйрәм белән котлады.

Кичкә таба авыл җанланып китте, "Авыл көне" бәйрәм программасы башланды, аны шулай ук Пүкәл авыл мәдәният йорты һәм китапханә мөдирләре, Пүкәл яшьләре, Олыяз мәдәният йорты һәм китапханә мөдирләре белән берлектә оештырылган иде.

"Авыл көне" - төрле бәйгеләрдән, милли уеннардан һәм массакүләм күңел ачулардан башка узмый торган матур һәм күңелле бәйрәм. Авылдашлар һәм кунаклар, зирәклек һәм җитезлек күрсәтеп, катлаулы конкурсларны намус белән җиңеп чыктылар.

Иң зур аудиторияне "Көрәш" , "Сумо" һәм "Капчык сугышы" мәйданчыклары җыйды. " Бәйрәм программасы авылдашларының үзешчән сәнгать осталары , Мишәбаш мәдәният йорты мөдире чыгышы белән үрелеп барды. Программаның кунагы Ленур Биктимеров булды.

Һичшиксез, авыл халкында ниндидер үзенчәлекле җан, кабатланмас колорит, үзенчәлек бар. Авыл халкының төп сыйфаты-аларның ачыклыгы, дуслык, бай эчке тынычлыгы һәм хезмәт сөючәнлеге. Бәйрәм тамашачылар каршында "Сабантуй" мәйданчыгында узды.

Чара вакытында барысын да табынга чакырдылар һәм тәмле пылау, коймак һәм кайнар чәй белән сыйладылар. Бәйрәм җылылык, күңеллелек рухы белән сугарылган иде. Авыл халкы соңгы конкурска кадәр катнашты.

#Татарстан #Лето #ЛетоВТатарстане #ЛетоВТатарстане2025