Коточкыч хәл: дуңгыз колбасаларында һәм шпикта Африка чумасы вирусы геномнары ачыкланган, игътибарлы булыгыз

Россельхознадзорның Татарстан Республикасы буенча Идарәсе агымдагы елның 24 гыйнварында җаваплылыгы чикләнгән "Юбилейный" ит комбинатында (Саратов шәһәре) җитештерелгән колбаса әйберләрендә һәм җаваплылыгы чикләнгән "Дымок и К" җәмгыятеннән (Энгельс шәһәре) китерелгән тозлы шпикта дуңгызларда була торган африка чумасы вирусы геномнары ачыклануы турында белдерә. Шул уңайдан Идарә "Юбилейный" ит комбинатында, "Дымок и К" җәмгыятендә чыгарылган дуңгызчылык продукциясе китерелгән очракта, сатучы оешмаларның бу хакта Татарстан Республикасы Министрлар Кабинеты ветеринария идарәсенә яки идарәгә һәбәр итүләрен сорый.