Россиядә 220 мең кеше пенсиясез калырга мөмкин

18 февраль көнне РФ премьер-министры Дмитрий Медведев үткәргән җыелышта хезмәт һәм социаль яклау министрлыгы идеясен хуплап алдылар. Министерство вәкилләре эшләүче пенсионерларның еллык эш хакы һәм пенсиясе суммасы 1 миллионнан артып киткән очракта, пенсия түләүне туктатырга тәкъдим итәләр. Яңа закон 2016-2017нче елларда көчкә керергә мөмкин. Бу закон Россиядә яшәүче 220 мең пенсионерга кагылачак.

Алданрак хезмәт һәм социаль яклау министрлыгы тагын да катырак чыккан иде. Анда сүз эшләүче пенсионерларның эш хакы айга 19 меңнән артып китсә, пенсия түләмәү турында суз барган.