Россиядә җитештерелгән автомобильләр күбрәк сатыла башлаган
Быелның сентябрендә җиңел коммерция автомобильләрен дә исәпкә алып, Россиядә җитештерелгән 32 мең берәмлек яңа машина сатылган. Бу алдагы айга караганда сату 4,7 %ка үсеш кичергән дигән сүз.
"АВТОСТАТ" аналитика агентлыгы җиткергән мәгълүматларга караганда, сентябрьдә LADA автомобильләре алдагы айга караганда 5 %ка (22 837 автомобиль) күбрәк сатылган. Җиңел коммерция машинасы саналган "ГАЗ" маркалы автомобильгә дә сорау 2 %ка арткан - 4930 техника сатылган. Шундый ук күрсәткечкә "УАЗ" машинасы да ирешкән (+2 %; 4220 берәмлек).
Шулай итеп, Россиядә җитештерелгән автомобильләренең гомуми базар күрсәткечләрендә тоткан өлеше 25 %тан артып китте. Беренче унлыкка LADA (лидер), "ГАЗ" (8 нче урын) һәм "УАЗ" (10 нчы урын) маркалары керде.
Россиядә чит ил машиналарына булган сорау алдагы айга караганда 15,2 %ка төшкән.
Следите за самым важным и интересным в Telegram-каналеТатмедиа
Нет комментариев