Саба мәдәният бүлеге һәм Саба балалар сәнгать мәктәбе тарафыннан “Талантлы балачак” дип исемләнгән фестиваль-конкурс оештырылды

Конкурста барлыгы 120 дән артык укучы декоратив-гамәли иҗат, халык уен коралларында уйнау осталыгы һәм вокал  номинацияләрендә үзләренең  осталыкларын күрсәтерләр.  Фестиваль барышында жюри әгъзәсе - Халыкара һәм Бөтенроссия конкурслары лауреаты, этноинструмент белгече, Казан шәһәре "24 нче балалар музыка мәктәбе”нең татар бүлеге мөдире,  югары категорияле укытучы  Габдрахманов Дамир Алмаз улы  тарафыннан әзерләнгән мастер-класс тәкьдим ителде. Катнашучылар төрле дәрәҗәдәге Лауреат , Дипломант дипломнарына ия булдылар. Барлык катнашучыларга зур рәхмәт! Киләчәктә иҗади уңышлар телибез!