Сабалылар “Халкым минем” газетасы игълан иткән бәйгедә катнаша ала

Һәркемнең үз әнисе турында сөйлисе, күңелендә йөрткән матур сүзләрне җиткерәсе киләдер. Катнашу өчен әниегез турындагы язма (күләме 3 биттән артмаска тиеш), әниегезнең фотосы һәм "Халкым минем" газетасына 2017 елның беренче яртыеллыгына язылган квитанциягезнең копиясе кирәк.

Язмалар газета битләрендә һәм Бөтендөнья татар конгрессының congress.tatar сайтында урнаштырылачак. Бу бәйгедә үз әнисе турында кадерле, матур сүз, фикер җиткерәсе килгән мәктәп укучысымы, яшьләрбезме, олылармы һәркем катнаша ала. Материалларны 1 мартка кадәр җибәрүегез сорала.

Бәйгегә йомгак 8мартка туры китереп Казанда ясалачак. Җиңүче өч кешене бүләк көтә. Катнашучыларга махсус дипломнар биреләчәк.

Төп шарт - "Халкым минем" газетасына 2017 елның беренче яртыеллыгына язылу. (Газетаның индексы 27230, язылу 10 декабрьгә кадәр).

Материалларны gazetavkt@mail.ru адресына яки Казан шәһәре, К.Маркс урамы, 38/5 йортка юллый аласыз.

"Ак калфак" Бөтендөнья татар хатын-кызлары

иҗтимагый оешмасы рәисе Идрисова К.Р