Сабалылар, игътибар: кемгә бушлай юридик ярдәм кирәк?

"Россия Федерациясендә бушлай юридик ярдәм күрсәтү" Федераль законы нигезендә бушлай юридик ярдәм алырга хокуклы гражданнар тәгаенләнде. Менә алар - әлеге хокукка ия булучылар: I һәм II группа инвалидлар, Бөек Ватан сугышы ветераннары, Россия Федерациясе Геройлары, Советлар Союзы Геройлары, Социалистик Хезмәт Геройлары, РФ Хезмәт Геройлары һәм башка категория гражданнар. 2016 елның 24 декабрендә гамәлгә кергән Татарстан Республикасы законы нигезендә әлеге исемлеккә сәяси репрессияләрдән зыян күрүчеләр һәм реабилитацияләнгән затлар да кертелде.