Синоптик Шувалов Татарстанда эссенең күпме дәвам итәчәген әйтте

Бу хакта «Татар-информ»га «Метео» һава торышы үзәге җитәкчесе Александр Шувалов сөйләде.

«Татарстанда +30..+33 градуслы эссе һава торышы киләсе атна башына кадәр сакланачак, тик вакыт-вакыт яшенле яңгырлар да явачак», – диде синоптик.

14 июльдән башлап республикада эсселек бераз сүреләчәк.

«Температура +25..+28 градуска төшәчәк. Ялларда (12-13 июльдә – Т-и искәрмәсе) кыска вакытлы яңгырлар явачак һәм шуннан соң эссе сүреләчәк», – диде Шувалов.

Алдарак хәбәр ителгәнчә, 8 июльдә Татарстанда кыска вакытлы яңгырлар һәм яшен көтелә. Ә һава температурасы +25..+30 градуска кадәр күтәреләчәк.

Россия Гидрометеорология үзәге фәнни җитәкчесе Роман Вильфанд сүзләренчә, август аенда да Россиядә һава температурасы нормадан югары булачак.

Тулырак: https://tatar-inform.tatar/news/sinoptik-suvalov-tatarstanda-essenen-kupme-davam-itacagen-aitte-5907358