Яңалыклар
Татарстан авыл хуҗалыгы оешмаларында 48,5 мең тонна кәбестә җыеп алынган
1,6 мең гектардан (планның 77 проценты) уңыш җыеп алынган.
(Казан, 16 октябрь, «Татар-информ»). Татарстанның Лаеш муниципаль районының «Нармонка» ҖЧҖ дә 50 гектар мәйданда кәбестә уңышын җыеп алу тәмамлана, тагын 5 гектардан уңыш җыясы кала. Район авыл хуҗалыгы идарәсе җитәкчесе урынбасары Илгиз Миннекаев сөйләгәнчә, гектардан уртача уңыш 798 центнер тәшкил итә дип хәбәр итә Татарстан Авыл хуҗалыгы һәм азык-төлек министрлыгы.
Быел хуҗалыкта шулай ук 30 гектарда кишер һәм 30 гектарда чөгендер үстергәннәр. 18,5 гектардан кишер җыеп аласы калган, ә 20 гектардан - чөгендер.
14 октябрьгә булган мәгълүматларга караганда, Татарстан авыл хуҗалыгы оешмаларында 1,6 мең гектардан (планның 77 проценты) тулаем яшелчә уңышы 48,5 ең тонна тәшкил иткән.
Следите за самым важным и интересным в Telegram-каналеТатмедиа
Нет комментариев