Татарстан трассасында булган авариядә ике олы кеше һәм бер бала зыян күргән

 Татарстан трассасында ике җиңел машина белән юл-транспорт һәлакәтендә ике олы кеше һәм бер бала зыян күргән. Бу хакта «Татар-информ»га авария шаһитлары хәбәр итә.

Аларның мәгълүматларына караганда, авария кичә республиканың Алексеевск районында килеп чыккан. Биредә унынчы модельле «Лада» һәм «Лада Гранта» бәрелешкән.

Юл-транспорт һәлакәте нәтиҗәсендә унынчы модельле «Лада» пассажиры, шулай ук «Лада Гранта»да булган 40 яшьлек хатын-кыз һәм 11 яшьлек пассажиры җәрәхәтләнгән. Зыян күрүчеләрнең барысы да хастаханәләргә китерелде.

Чыганак:https://tatar-inform.tatar/