Татарстан халкының ипотека бурычлары рекордлы 6,4 миллиард сумга җитте

2026 елның 1 февраленә түләмәүләр суммасы 6,4 миллиард сумга җиткән. Бер ай эчендә генә дә ул 183 миллионга, ә бер ел эчендә – 3,9 миллиардка диярлек арткан. Мондый мәгълүмат Россия Банкы мәгълүматларыннан күренә.

 Алты миллиард билгесен республика 2025 ел ахырында ук узды – декабрь башынаул 6,1 миллиард тәшкил итте, 1 гыйнварга тагын 100 миллионга артты. Чит ил валютасында ипотека буенча бурычлар республикада сумнарга күчереп исәпләгәндә ике миллион дәрәҗәсендә тора. Бу дәрәҗәдә ул төгәл бер ел саклана – 2025 елның 1 февраленә кадәр сумма өч миллионга җиткән.

 Вакыты чыккан ипотека кредитлары күләме буенча Татарстан Идел буе округында бары тик Башкортстаннан гына калыша, анда бурыч 6,8 миллиардка җиткән. Республика халкының гомуми бурычы суммасында түләмәүләр өлеше якынча 0,9% тәшкил итте – 2026 елның 1 гыйнварындагы кебек үк.

Быел төбәктә өч миллион квадрат метрдан артык торакны файдалануга тапшырырга планлаштыралар. ТР Төзелеш министрлыгы мәгълүматлары буенча, февраль башына план 24% ка үтәлгән.