Татарстанда кабат фаҗига: юл һәлакәтендә танылган актрисаларның гомерләре өзелгән [+фото]

Бүген сәгать 7.30 С.Өметбаев исемендәге Минзәлә Татар дәүләт драма театры артистлары, Татарстанның атказанган артисты Гәрәева Эльмира Хәмәтхәлил кызы, артистка Әхмәтхәнова Эльмира Илфак кызы, фаҗигале төстә һәлак булды.

Артистларны озату 4 февраль көнгә билгеләнгән. Вакытын һәм урынын өстәмә хәбәр итәрбез, диелә театр сайтында.

Эльмира Гәрәева 1975 елның 1 июлендә Минзәлә районы Бикбау авылында туган. Театрда 1995 елдан бирле эшләгән. Эльмираның 10 һәм 3 яшьлек ике кызы калды.

Эльмира Әхмәтханова 1972 елның 25 сентябрендә Актаныш районы Чишмәбаш авылында туган. Театрда 1992 елдан алып эшләгән. Эльмираның 17 һәм 23 яшьлек ике кызы калды.

http://tatar-inform.tatar/news/2017/02/03/134370/