Питрәч районында юл-транспорт һәлакәтендә ике кешенең гомере өзелгән. Бу хакта Россия Гражданнар оборонасы эшләре министрлыгының ТР буенча Баш идарәсе матбугат хезмәтендә хәбәр иттеләр
«Татар-информ» хәбәр итүенчә, юл һәлакәте Екатериновка авылы тирәсендә М7 «Волга» трассасының 868нче чакрымында булган. Питрәч районында юл-транспорт һәлакәте турында хәбәр ашыгыч хезмәтнең 112 бердәм номерына кичә 11.30 сәгатьтә килгән.
«ДАФ» һәм «Мерседес» йөк машиналары бәрелешү аркасында, аларның йөртүчеләре үлгән.
Нет комментариев