Түбән Камада бер ир-ат машинасында агуланып үлгән

Россия Тикшерү комитеты Татарстан идарәсе Түбән Кама буенча бүлеге тикшерүчесе Денис Миронов "Татар-информ"га җиткерүенчә, машинада 40 яшьлек ир-атның үле гәүдәсе табылган.

Беренчел фаразлар буенча, ул машинасында утырган, сыра эчкән, урамда салкынча булганлыктан, машинасын да кабызып куйган һәм йокыга киткән. Ир-ат ис газына агуланып үлгән, дип фараз кылына. Азаккы нәтиҗәне суд-медицина экспертизасы чыгарачак.

http://intertat.ru