Ясалма керфек үстерү күз өчен зыянлымы?

Офтальмология клиникасы табиблары аңлатуынча, керфек үстерү модага кергәннән бирле, күз инфекциясе авырулары арткан. Күз кабагы зарарлану очраклары да шактый. Бу блефарит авыруына да сәбәпче икән. Әлеге авыру вакытында күз кабаклары, керфек асты шешә, бу инфекцияне дәвалау шактый авыр. Керфек коелу да еш күзәтелә. Ә керфексез кешедә күз авырулары килеп чыгу ихтималы тагын да арта. Чөнки керфекләр кешене тузаннан, җилдән саклый.

Фото: pixabay.com

vatantat.ru