“Балкыш” халыкка социаль хезмәт күрсәтү үзәге базасында өлкәннәр өчен кайнар телефон линиясе эшли

Саба муниципаль районы баш­лыгының 154 санлы  Карары  нигезендә өлкәннәр  ункөнлеге  үткәрү чаралары планы расланды. Бу  чорда олылар  өчен төрле  акцияләр, тематик,  мәдәни  кичәләр, кызыклы очрашулар,  туризм  маршрутлары буенча  экскурсияләр үткәреләчәк.  Шулай ук авыл җирлекләрендә дәвалау-диагностика үзәге белгечләре  катнашында  күчмә мобиль  поликлиника, китап  күргәзмәләре, “Балкыш” халыкка социаль  хезмәт күрсәтү үзәге базасында  өлкәннәрнең тормыш  мәсьәләләре буенча  консультация кайнар телефон линиясе  эшләячәк. Чараларның  максаты – киң җәмәгатьчелектә  өлкән буын  кешеләренең тормыш хәленә игътибар һәм ихтирамны тагын да  арттыруга ирешү.