Бер ир-ат, дусты белән бәхәсләшеп, кадаклар йоткан

Уфада яшәүче бер ир-ат, дусты белән бәхәсләшеп, кадаклар йоткан. Аннары ул үзе ашыгыч ярдәм чакырткан һәм эче авыртуына, авызы кибүгә һәм күңеле болгануга зарланган. Табиблар эчке органнарын рентген аша караганда, бер-берсенә ябышкан чит предметлар күргән. Компьютер томографиясе кадакларның эчәклекләргә зыян китерүен күрсәткән. Хирурглар ашыгыч рәвештә операция үткәргән, аның барышында 8 см озынлыктагы һәм 4 мм диаметрлы ике тимер кадак алганнар, дип яза "Безнең гәҗит".