Гөлсинә Галимуллинаның яңа китабы дөнья күрде

Җыентыкта көллияттә белем алучы студентларның һәм педагогларның интервьюлары аша уку йортындагы укыту алымнары, дәресләрдән соңгы шөгыльләре һәм, гомумән, биредәге мохитнең алар тормышына нинди үзгәрешләр, яңалыклар кертүе турында сөйләнә. “Көллияттә яңа кеше тәрбияләү юнәлешендә киң яссылыктагы тәрбия эше алып барыла. Уңдырышлы туфракта гына мул иген үстереп булган кебек, көллиятнең дә төп максаты: тормышта үз урынын табарга сәләтле белгечләр әзерләү”, – дип яза китапка кереш сүзендә автор.