Гуманитар ярдәм барып җиткән, егетләр якташларына рәхмәтләрен җиткерә

Узган сишәмбедә  Иләбәр авылыннан чираттагы гуманитар  ярдәм ерак юлга кузгалды. Бу инде шундый дүртенче рейс. “Форд-Транзит” автобусына шыплап төялгән йөкне Райнур Рамазанов белән Ленар Ярмөхәммәтов алып китте. Һәм кичә әлеге изге эшне оештырып йәрүчеләрнең берсе Рамил Хәбирҗанов машинаның тиешле урынга барып җитүен хәбәр итте. Барлык кирәк-яраклар егетләребезгә тапшырылган. Эзмә урта мәктәбе укучылары язган җылы хатларны да җыелышып укыганнар. Егетләребез барлык ярдәме тигән, күчтәнәчләрен биреп җибәргән якташларына зур рәхмәтләрен җиткерәләр. Ә без, үз чиратыбызда, аларның исән-имин әйләнеп кайтуларын көтеп калабыз.

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен