«Игенче» җәмгыяте аш-су осталары игенче-механизаторларны тәмле ризык белән сыйлыйлар

Җаваплылыгы чикләнгән “Игенче” җәмгыяте ашханә хезмәткәрләре коллективы – тотрыклы ,дус  һәм тәҗрибәле. Ашханә ачылу көненнән үк пешекчеләр – тукланырга кергән һәркемне ачык йөз , кайнар ризыклар белән каршы алалар.

    Пешекчеләр Алинә Хөсәенова, Ләйлә Яруллина, Люция Ваесова искиткеч тәмле ризыклар әзерләп- механизаторларга, машина йөртүчеләргә, терлекчеләргә, шушы җәмгыятьтә  хезмәт куючыларга   хезмәт күрсәтәләр.

    Биредә көн саен  көндезге һәм кичке ашлар әзерләнә. Чәчү һәм урып-җыю, терлек азыгы хәзерләү вакытында кырчыларга туп-туры эш урынына алып киләләр. Көн дәвамында йөзгә якын  эшче туклана.