Югары Утар балалар йортында « Сабантуй» бәйрәме оештырылды
Бәйрәмгә Саба районы инвалидлар оешмасы вәкилләре һәм «Тулган Ай» ансамбле кунакка килде.
Югары Утар балалар интернат-йортында гореф-гадәтләрне саклап, балалар өчен матур һәм күңелле Сабантуй бәйрәме үткәрелде. Мәйдан уртасында төрле кызыклы уеннар оештырылды: «Кашыкка йомырка салып йөгерү», «Калак белән су ташу», «Токмач ашау», «Кем җитезрәк» кебек милли уеннарда балалар бик теләп катнаштылар. Чүлмәк вату бәйгесендә катнашучыларга тамашачылар көч биреп торды. Бәйрәм әзерләнгән музыкаль номерлар һәм биюләр белән үрелеп барды. Чара кунакларсыз узмады. Бәйрәмгә Саба районы инвалидлар оешмасы вәкилләре һәм "Тулган Ай" ансамбле кунакка килде. Сабантуйда катнашучы барлык балалар да бүләкләргә лаек булдылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев