Юлбатта фельдшер-акушерлык пункты ачылды
Бүген тантаналы рәвештә Юлбат авылында фельдшер-акушерлык пункты ачылды. Бина «Сәламәтлек саклау»милли проектының беренче буынын модернизацияләү программасы буенча төзелде.
Бүген тантаналы рәвештә Юлбат авылында фельдшер-акушерлык пункты ачылды. Бина "Сәламәтлек саклау»милли проектының беренче буынын модернизацияләү программасы буенча төзелде. Ачылу тантанасында Саба районы башлыгы Рәис Миңнеханов, район үзәк хастаханәсе баш табибы Марат Йосыпов, подрядчы оешма җитәкчесе Илсур Шәрипов, авыл җирлеге башлыгы Талип Шәмсиев, шулай ук авыл халкы һәм кунаклар катнашты. Яңа бина тулысынча яңа җиһазлар һәм заманча кирәкле җиһазлар белән тупландырылган. ФАП биш бүлмәдән тора: кабул итү, процедура, санузел, хуҗалык бүлмәсе һәм коммуникацияләр урнашкан бүлмә. Медицина ярдәменең һәркем өчен мөмкин булуын һәм сыйфатын тәэмин итү өчен барысы да бар. Яңа ел алдыннан шундый медицина пункты салып биргәннәре өчен Зилә Абдуллина район җитәкчеләренә зур рәхмәт белдерде.
Следите за самым важным и интересным в Telegram-каналеТатмедиа
Нет комментариев