Кабак күргәзмәләрдә йөри, бәлеше тел очында эри

Кырбаш авыл клубында "Бакча яме – кабак" кабак бәйрәме узды. Бәйрәмдә өлкән буын актив катнашты. Мөдир Надежда Черненко кабакның файдасы, аның йомшагында күп төрле витамин, шикәр һәм хәтта май барлыгы,  кыйммәтле дару үсемлеге булуы турында сөйләде. Катнашучылар өчен төрле уеннар, конкурслар үткәрелде,  чара күңелле җырлар, табышмаклар чишү белән үрелеп барды. Кунаклар бәйрәмгә буш кул белән килмәделәр: чын кабак мәҗлесе оештырдылар. Бәйрәм чәй эчү белән тәмамланды, чарада катнашучылар кабак әзерләүнең кулинария рецептлары белән уртаклаштылар