Кияүгә чыкмаган кызларның бүген “бөек мәхәббәт” белән очрашу ихтималы зур

• Бүген дүрт кешенең бергә мунча керүе, чабынуы хупланмый икән, бу гаилә әгъзалары арасында зур тавыш чыгуга сәбәпче булырга мөмкин.
• Ә гүзәл затлар бүген туйганчы күз яшьләрен түксә, ел буе еламаска тиеш.
• Бүген туган кешеләр туган көнен өч көн бәйрәм итсен.
• 30 сентябрь — сихер-бозымнан котылу өчен яхшы көн, диләр. Бүген шулай ук хатын-кыз авыруларын дәвалау да нәтиҗәле булырга тиеш.
• Кияүгә чыкмаган кызларның бүген “бөек мәхәббәт” белән очрашу ихтималы бик зур! Шуңа бу көнне бикләнеп өйдә утырмасыннар.

Һәркемгә бүгенге көн уңышлар китерсен!

Чыганак: "Кызыл таң".