Килдебәктә «Муса Җәлил-иҗаты, каһарманлык үрнәге» дигән чара узды

  15 февраль көнне Килдебәк авыл китапханәчесе мәдәният йорты хезмәткәрләре  белән берлектә бөек татар шагыйре – Советлар Союзы Герое һәм Ленин премиясе лауреаты Муса Җәлилгә багышланган  «Муса Җәлил-иҗаты,  каһарманлык үрнәге» исемле портрет-кичә  үткәрделәр. Чарада Килдебәк урта мәктәбенең 7 сыйныф укучылары катнашты. Презентация ярдәмендә укучылар шагыйрьнең балачак еллары, кырыс фронт көннәре, концлагерьларда уздырылган авыр еллары белән таныштырдылар.  Чара вакытында шагыйрьнең күп шигырьләре яңгырады: «Чишмә», «Эз», «Кызыл ромашка», «Ышанма» һ.б.  Укучыларга шагыйрьнең тормышы һәм иҗаты турында сөйләүче  китап күргәзмәсе дә тәкъдим ителде.