К.Тинчурин театры райондашларыбызны үзенә җыйды

  Бүген Казан шәһәренең Кәрим Тинчурин исемендәге  Татар дәүләт драма һәм комедия театрында узучы «Әни килде» спектаклен карарга бер төркем райондашларыбыз, өлкәннәребез дә китте.

« Бөек Җиңүнең 81 еллыгы уңаеннан үткәрелүче хәйрия чарасында 16 кешелек делегация катнаша. Без әлеге чарага 1941-1945 елда туган сугыш чоры балаларын җыйдык. Баручылар исемлегендә Саба, Шәмәрдән җирлекләреннән дә өлкәннәребез һәм шулай ук, «Лесхоз картлар һәм инвалидлар йорты»ннан да өлкән  әбиебез бар. Күңелле итеп ял итеп кайтырга язсын, – дип сөйләде Саба районы халыкны социаль яклау идарәсе житәкчесе Лилия Гайнетдинова.