Ике басу Арташ авылы кызы Ландыш Фәләхова Красноярск шәһәрендә барган Универсиадада Россия хоккей җыелма командасында һөҗүмче булып уйнап алтын медаль иясе булды. Финалда россиялеләр Канада хоккейчыларын 2:0 исәбенә җиңделәр.
Сабаның “Тимерхан” командасында уйнаган Ландыш VIII сыйныфтан соң Түбән Новгородтагы “СКИФ” хоккей командасына чакырылган. Читтән торып Н.Лобачевский исемендәге университетта белем алучы кызның әти-әниләрен бу көннәрдә котлаучылар күп булган. “Кызыбызның уңышларына барыбыз да сөендек“, - ди Ландышның әтисе Илсур Фәләхов.
Фото: http://хкскиф.рф
Нет комментариев