Мәгариф профсоюзы башкарылган эшкә хисап тотты һәм яңа җитәкчене сайлады

 21 октябрьдә Бөтенроссия мәгариф профсоюзының Саба территориаль оешмасында XVII хисап-сайлау конференциясе узды, анда 37 сайланган делегат, мәгариф учреждениеләренең беренчел профсоюзлар оешмалары профсоюз әгъзалары катнашты.

Чакырылган кунаклар арасында: мәгариф идарәсе җитәкчесе Илфат Шакиров, конференциянең мактаулы кунагы - Бөтенроссия белем бирү профсоюзының Татарстан республика оешмасы рәисе Ирина Проценко, мәгариф оешмалары җитәкчеләре бар иде.

Конференциядә 5 ел эчендә хисап доклады белән профсоюз рәисе Айгөл Шәмсевалиева, КРК рәисе Зөлфия Гатауллина чыгыш ясады. Шулай ук Эзмә "Саф чишмә" балалар бакчасы мөдире Олеся Гошина, Шемордан 2нче номерлы "Теремок” балалар бакчасы профком рәисе  Людмила Камалутдинова сүз алдылар. Алар профсоюзның район комитеты эшчәнлеген "канәгатьләнерлек" дип бәяләделәр.

Докладларда уңышлы социаль хезмәттәшлек, профсоюз әгъзаларының социаль-хезмәт хокукларын яклау бурычларын хәл итүдә район комитетының уңышлары, яшьләргә ярдәм күрсәтүе һәм башкалар билгеләнде.

Конференциядә профсоюзның яңа органнары һәм яңа рәисе -  Айгөл Шәмсевалиева сайланды.

Кунакларның чыгышларында профсоюзның эшчәнлеген яхшырту буенча кызыклы тәкъдимнәр әйтелде.

Конференциянең мактаулы кунагы Ирина Проценко территориаль оешма эшчәнлеген югары бәяләде.

Традицион рәвештә конференция ахырында профсоюз активистлары, социаль партнерлар бүләкләнде.