“Мөхәммәтшин” крестьян-фермер хуҗалыгында уҗымнарны тукландыруга чыктылар

Районда 2025  ел  уңышы  өчен  кыр  эшләре башланып  китте. Беренче булып  басуга  “Мөхәммәтшин” крестьян-фермер  хуҗалыгы игенчеләре  чыкты. Механизатор Рәис  Шакиров “Туман”  агрегаты  белән эшне  күпьеллыкларны һәм  көзге  арышны минераль  ашлама белән тукландырудан башлады. Ул гектарына  физик  авырлыкта 150 килограмм исәбеннән  кертелә.  Кырга ашламаны Илһам  Әхмәтханов     чыгара һәм төяп тора. Күпьеллыклар – 240, уҗым  культуралары 40 гектарда тукландырылды.