Өлкәннәр атналыгы дәвам итә: прокуратура ветераннарын котлый

Саба районы прокуратурасы хезмәткәрләре прокуратура органнары ветераннарын Халыкара өлкәннәр көне белән котладылар

Халит Гыймади улы Гафиятов 1985-1990 елларда Саба районы прокуроры була. Район прокуроры вазифасыннан киткәннән соң, ул 2000 елның мартына кадәр прокуратура тикшерүчесе булып эшли. Район прокуратурасы бинасын төзүдә актив катнаша, моның өчен Генераль прокурор тарафыннан бүләкләнә.  Әлегә кадәр прокуратура чараларында актив катнаша.

Сәкинә апа (Кәшип кызы) Җәләлиева күп еллар Саба районы прокуратурасының техник персоналы булып эшләде. Аның бурычларына җыештыру, шулай ук биналарны күмер мичләре белән җылытуны контрольдә тоту керде.

Саба районы прокуратурасы Халыкара өлкәннәр көнен бәйрәм итү уңаеннан барлык ветераннарга хезмәт сөючәнлекләре һәм рухи көчләре өчен рәхмәт белдерә!