Районыбыз аграрийлары алдагы кышлату чорына терлек азыгы әзерләүне дәвам итә

  Авыл хуҗалыгы  һәм  азык-төлек   идарәсе мәгълүматларыннан   күренгәнчә, 4 сентябрьгә саклау  урыннарына  126009 тонна  сенаж, 5644 тонна  печән, 16389 тонна  салам  тупланган. Соңгы   көннәрдә терлек  азыгы запасы 38401 тонна  кукуруз  силосы белән тулыланды.  Әлеге культура 2690 гектарда   (план –7083 га.) урылды. Эш темпы “Шытсу”  предприятиесендә, “Тимершык” бригадасында  югары.  Әлеге  хуҗалыкларда  тупланган  кукуруз  силосы 4 мең тоннадан арта.

 Хуҗалыкларда  көзгө  җир эшкәртү  планы 13181 гектар тәшкил итә. Шуның  8500 гектары өстән, 4681 гектары тирәнтен эшкәртелгән.

Бәрәңге иккән  хуҗалыкларда  аның  уңыш  алуы да башланып китте. “Сатыш”та  – 1, “Тимершык”та 2 гектарда  “Икенче икмәк” җыеп алынды.