Районыбызның хезмәт алдынгыларына Саба муниципаль районының Мактау грамоталары тапшырылды

  Халыкка транспорт хезмәте күрсәтүдә намуслы хезмәте өчен,  “Яшен” җәмгыяте машина йөртүчесе Илсур Мансур улы Сәхипов; торак-коммуналь хуҗалык өлкәсендә күпьеллык намуслы хезмәтләре өчен “Шәмәрдән күптармаклы җитештерү предприятиесе” акционерлык җәмгыятенең сату бүлеге башлыгы Язилә Заһит кызы Абдуллина; “Шеморданстрой” җәмгыятенең җитештерү-техник бүлеге начальнигы вазифалары йөкләнгән II категорияле инженер Ирина Алексеевна Абросимова; күпьеллык нәтиҗәле хезмәте һәм торак-коммуналь хуҗалык үсешенә зур өлеш керткәне өчен Татарстан Республикасы Техник инвентаризация һәм кадастр эшләре бюросы акционерлык җәмгыятенең Саба бүлекчәсе җитәкчесе Ренат Равил улы Сөнгатуллин; күпьеллык нәтиҗәле хезмәте һәм агросәнәгать комплексы хезмәткәрләренең социаль-хезмәт хокукларын һәм мәнфәгатьләрен яклау буенча проф­союз оешмасында актив эше өчен Россия Федерациясе Агросәнәгать комплексы хезмәткәрләре профсоюзы Татарстан республика оешмасының Саба районы буенча рәисе Гөлназ Равил кызы Нигъмәтҗанова; халыкны социаль яклау өлкәсендә күпьеллык нәтиҗәле хезмәтләре өчен “Балкыш” реабилитация үзәге директоры Оксана Ивановна Әхмәдиева; картлар һәм инвалидлар өчен “Лесхоз интернат-йорты” директоры Рөстәм Равил улы Равилин; балалар һәм яшүсмерләр өчен "Тургай" социаль приюты белгече Алсу Мөбарәкҗан кызы Хәнәфиева Саба муниципаль районы Мактау грамотасы белән бүләкләнделәр.