Республиканың иң яхшы гаиләләрен хөрмәтләүгә багышланган тантаналы кабул итүдә Сабадан Рәфыйковлар гаиләсе катнашты

Бүген Казан Кремлендә Татарстан Республикасының иң яхшы гаиләләрен хөрмәтләүгә багышланган тантаналы кабул итү узды.  Тантаналы чарада  
 Саба районыннан күп балалы гаилә Гөлнара һәм Илдус Рәфыйковлар катнашты. 

 Илдус һәм Гөлнара Рәфыйковларның гаилә стажы – 21 ел. Алар  биш бала тәрбиялиләр. Гаилә башлыгы Илдус Ринат улы - сугышчан хәрәкәтләр ветераны. Гөлнара Раиф кызы, клиентларга хезмәт күрсәтү буенча белгеч булып эшли. Ул эшен яратучы хатын һәм кайгыртучан әни вазифаларын бергә алып барырга өлгерә.
 Тантаналы кабул итүдә Гөлнара ханымга  «Ана даны – Материнская слава» медале тапшырылды.